الشروط والتوصيل
الطلب المسبق، والأسعار، والتوصيل، والدفع، والإلغاء، والاسترجاع.
آخر تحديث: ٧ أكتوبر ٢٠٢٦
الطلب المسبق
إحنا بنعتّق على دفعات صغيرة، فكل طلب بيتسجل كطلب مسبق. بنكلمك نأكد ميعاد التسليم ومصاريف التوصيل، والطلب مش بيتأكد غير بعد المكالمة دي.
الأسعار
الأسعار بالجنيه المصري. السعر اللي بيتحسب هو السعر وقت ما طلبت، ولو اتغيّر قبل التأكيد هنقولك وإنت تقرر.
التوصيل
بنوصّل القاهرة والجيزة الأول، وباقي المحافظات بالاتفاق. مصاريف التوصيل بتتحدد حسب العنوان، وبنقولهالك قبل التأكيد.
الدفع
كاش عند الاستلام، أو إنستاباي، أو فودافون كاش بعد ما نأكد الطلب. مفيش أي دفع قبل التأكيد.
الإلغاء
تقدر تلغي الطلب ببلاش في أي وقت قبل ما يخرج للتوصيل. كلمنا أو ابعت إيميل برقم الطلب.
الاستبدال والاسترجاع
الثوم الأسود أكل، فمش بنقدر نرجّع عبوة اتفتحت. بس لو الطلب وصلك فيه كسر، أو العبوة مفتوحة، أو المنتج شكله أو ريحته مش طبيعيين، ابعتلنا صورة ورقم الطلب خلال ٤٨ ساعة من الاستلام، وهنبدّله أو نرجّعلك فلوسك.
المنتج
ثوم أسود، مكوّن واحد: ثوم. ده أكل، مش علاج ولا مكمّل غذائي. احفظه في مكان بارد وناشف، وبعد الفتح في التلاجة.